Betekizunak eta legeak

Laneratzeko enpresek “ekonomikoki laneratzeko” xedea duten gizarteratzearen aldeko politiketan eta gizartean esku hartzeko erakundeen ekimenetan dute sorburua, azken urteetan egiaztatu dutenez, eraginkorrak baitira zailtasun bereziak dituzten pertsonak eta kolektiboak lan-merkatuan txertatzeko.

Laneratzeko enpresa gisa sailkatzeko, enpresa-jarduera garatzeko indarrean dagoen araudia betetzeaz gain, ekoizpen-egiturek ezaugarri hauek eduki beharko dituzte:

  • Helburu sozialaren xede nagusia da lan-munduan sartzeko zailtasun bereziak dituzten pertsonak gizarteratzea eta laneratzea.
  • Irabazi-asmorik gabeko erakunde batek edo batzuek sustatzen dituzte laneratzeko enpresak (zuzenbide publikokoek ere bai), eta haien helburu sozialak egoera bereziki ahulean dauden pertsonak gizarteratzea hartu behar du barne.
  • Langileen zerrendako %30 eta %50 artean, gizartean baztertuta dauden edo baztertuta geratzeko arriskuan dauden pertsonek izan behar dute.
  • Laneratzeko prozesuan dauden pertsonak gutxienez 6 hilabetez eta gehienez 3 urtez egon daitezke laneratzeko enpresan.
  • Ekitaldi bakoitzean lortzen diren eta eskura dauden soberakinak ekoizpen-egiturak hobetzeko edo zabaltzeko, edota gizarteratzeko eta laneratzeko jarduerak sustatzeko erabiliko dituzte, eta sekula ere ez dute mozkinik banatuko.

Deskargak

Ezar daitekeen Estatuko araudia

Ezar daitekeen autonomia-erkidegoko araudia