el 17-02-2025
Harrera egin digu Edurne Villanueva Ekoizan laneratze-enpresako operatiboaren arduradunak, Vegaizan, janari beganoa eta begetarianoa proiektua aurkezteko:
“…elikadura ekologikoko enpresa bat da, eta gizarteratzeko lanpostuak sortzea du helburu…”
Nola sortzen da Laneratzeko Enpresa hau eta zein da bere jarduera nagusia?
Kooperatiba Peñascalen babespean, Ekoizan 2014. urtean jaio zen. Elikadura ekologikoko enpresa bat da, eta gizarteratzeko lanpostuak sortzea du helburu. Produktu ekologikoen (freskoak eta plater prestatuak) lehen denda ireki zuen Indautxu auzoan (Bilbo), eta merkatuko lehen tupper ekologikoa jarri zuen salgai, ENEEKen (Euskadiko Nekazaritza eta Elikadura Ekologikoaren Kontseilua) ziurtagiriarekin.
Enpresa honen sorrera Peñascal Kooperatibaren sukalde zentraletan garatzen hasten den ekoizpen-lerro berriaren sorreratik dator. Elikagai ekologikoen lerro berri hau eramateko produktuen ideiarekin garatzen da. Beraz, Ekoizlan produktu hori merkaturatzeko eta, aldi berean, lan-aukerak sortzeko sortu zen.
Hamar urteren ondoren, hazi egin gara eta aldatu egin gara; gaur egun, VEGAIZAN marka komertzialarekin egiten dugu lan, eta produktu beganoak eta begetarianoak eskaintzen ditugu Indautxuko gure dendan.
Gure bezeroek gosari osasungarriez eta eguneko menu ekonomikoez gozatu ahal izango dute, eskaintza begano eta begetariano anitzekin, zaporetsuaz gain.
Gure beste negozio lerroetako bat enpresa eta partikularrentzako catering zerbitzua da, mota guztietako produktuekin, ez bakarrik beganoa, Bilboko erdigunean eta inguruetan ematen dugu zerbitzua.
Nolakoa izan da enpresa-proiektuaren bilakaera orduz geroztik?
2014. urteaz geroztik, hazkundea etengabea izan da, eta egoera sozioekonomikoekin batera etorri da aldaketa; izan ere, lantzen ari ginen eredua birplanteatzean, estali genezakeen merkatu-nitxo bat aurkitu dugu, merkatu begano eta begetarianoarena.
Urte hauetan zehar hazten joan gara, eta 4 denda izatera iritsi gara Bilboko Indautxu eta Deustu auzoetan. Ekoizanetik Vegaizanera aldatzearekin, Pozasen denda mantentzea erabaki genuen, Bilboko Merkataritza Ganberaren parean dagoena, erabiltzaile-mailan irisgarriena eta ibiliena, eta estrategikoena Bilboko erdialdeko enpresei eskaintzen dizkiegun catering-ei zerbitzua emateko.
Nortzuk dira enpresara heltzen diren langileak?
Gurekin lan egiten duten pertsona gehienak bazterkeria-egoeran edo -arriskuan dauden pertsonak dira, hainbat arrazoirengatik, pertsonalak, akademikoak edo sozialak izan. Gaur egun, taldea 5 pertsonak osatzen dugu, gizon batek eta lau emakumek; horietatik hiruk gizarteratzeko kontratua dute.
Ba al dago partekatu nahi duzuen proiekturik edo jarduera berririk?
Vegaizan janari beganoa eta begetarianoa 2022ko irailean merkaturatu genuen, nahiz eta proiektuaren oinarriak finkatu, beti plater berriak lantzen jarraitzen dugu gure bezeroei eskaintzeko. Healthy gosariak (fruta-poteak, sandwich begarianoak eta beganoak, topping osasungarria duten landare-jogurtak) eta gure entsalada-linea gure bezeroen produktu gogokoenak dira.
Enpresentzako eta partikularrentzako gure catering-zerbitzuan gustu guztietarako janari-barietateak eskaintzen ditugu, eta Peñascal Kooperatibako (merkatuan kontsakratutako ostalaritza-zerbitzuen enpresa) kide izateak ekitaldi txiki eta jendetsuei erantzuteko aukera ematen digu.
Zer nolako ekarpen egiten dio laneratzeko enpresari Gizateako bazkide izateak?
Gizateako bazkide izateak aukera ematen digu, enpresa gisa, kolektibo kalteberen laneratzean baliabideak eta laguntza eskuratzeko, gizarteratze-helburuak betetzeko eta prestakuntza eta aholkularitza espezializatua jasotzeko. Gainera, beste erakunde eta organismo batzuekiko lankidetza sustatzen du.
Eskerrik asko, Edurne!