el 30-04-2026
Joan den apirilaren 22an, Kataluniako Hirugarren Sektore Sozialeko Entitateen Mahaiak eta Sareen Sareak DO Impact tokiko ekitaldia antolatu zuten Bilbon, “Eragina handitzeko aliantzak ehuntzen: tresnak, ikaskuntzak eta aukerak Kataluniaren eta Euskadiren artean” izenburupean. BBK Kunan egin zen topaketak bi lurraldeetako erakundeak bildu zituen, hirugarren sektore sozialean eragina nola neurtzen eta kudeatzen den hausnartzeko eta ikaskuntzak partekatzeko helburuarekin.
Jardunaldian zehar, ikuspegi partekatua landu zen honako gai hauen inguruan: ebaluazioa eta gizarte-eragina, datuen kudeaketa eta diagnostikorako tresnak, lurralde arteko ikaskuntza eta Kataluniako zein Euskadiko erakundeen esperientziak. Topaketak ezagutza praktikoa trukatzeko eta balio soziala sortzen lagunduko duten ikuspegi bateratuetan aurrera egiteko aukera eman zuen.
Testuinguru honetan, Gizateatik aktiboki parte hartu genuen, gure sarean zein laneratze-enpresetan gizarte-eraginaren neurketan dugun esperientzia partekatuz. Arlo honetako metodologiak eta ikaskuntzak azaldu genituen, sistema bateratu, zorrotz eta erabilgarriak izatearen garrantzia azpimarratuz, baita talde teknikoen etengabeko prestakuntzaren beharra ere. Topaketak aliantzak sendotzen, ezagutza partekatzen eta hirugarren sektore sozialaren paper estrategikoa indartzen lagundu du.