el 28-06-2024
Ekainaren 27an, Gizateak, Gizarteratzeko el Laneratzeko Euskadiko Enpresen Elkarteak, 2024ko Ohiko Batzarra egin zuen Harrobian. Bertan, bazkide diren 43 laneratze-enpresetatik 32k ordezkaritza izan zuten, eta sarearen kudeaketa ekonomiko eta sozialari buruzko urteko betebeharrak bete zituzten.
Batzarraren lehen zatian, aurreko batzarretako aktak onartu dira (ohikoak eta ezohikoak), eta, ondoren, 2023ko ekitaldiko kudeaketa-txostena eta txosten ekonomikoa aurkeztu eta onartu dira. Horren ostean, 2024rako Aurrekontua eta Kudeaketa Plana aurkeztu dira, eta hori guztia aho batez onartu da. Hona hemen Gizateak 2023an egin duen jardueraren laburpen-bideo bat:
Ohi bezala, Batzarraren zati formalaren ondoren, sektorearentzat interesgarria den gairen bat aztertzeko aprobetxatu dugu topaketa. Oraingo honetan, Gizateako Barne Lantaldeen lana nabarmendu nahi izan dugu, eta horretarako, 4 parte-hartzaileren laguntza izan dugu.
Haizea Rocak, Sokaire Enpresako Laneratzen Laguntzeko Teknikariak, Gizarteratzen Laguntzeko Taldeari (GTAI) buruz hitz egin digu. Gizatearen barruan ibilbide luzeena duen taldea da, eta Laguntzako 25 profesional baino gehiagoren parte-hartze zabala eta egonkorra du. Miriam Santorcuatok, Suspertu txertatzen laguntzeko teknikariak, bere esperientzia partekatu du EFE Adituen Taldean. Aditu horiek beste profesional batzuk trebatzen dituzte Enplegagarritasun Faktoreen Eskala (EFE) tresnaren erabileran. 
Iñaki Zabaletak, Badia Berri laneratze-enpresako gerenteak, Kudeaketa Hobetzeko Lantaldearen (GTMG) helburuak eta lana jakinarazi dizkigu, eta, azkenik, Santi Membibre Peñascal Kooperatibako laneratze-enpresen arduradunak azpimarratu du beharrezkoa dela elkarrekin lan egiten jarraitzea laneratze-enpresentzat erreserbatutako kontratuak sustatzeko, Gizateako Kontratazio Erreserbatuko Batzordeko partaide gisa.
Amaitzeko, Lapiko Catering enpresak eskainitako catering batez gozatu dugu elkarrekin.
Eskerrik asko Batzarrean parte hartu duzuen guztioi!