Goilurra gizarteratze enpresa eta Peñascal eta Gizakia fundazioak sarituak izan dira 2010 Alma Solidarioa-ren bitartez

Goilurra, Gizatea-ko kide den gizarteratze enpresa saritua izan zen nekazaritzaren inguruko ekimen berri bati esker. Baserritar erretiratu batek Larrabetzun dituen negutegiak laga egin dizkie eta hortxe, nekazari kualifikatu izateko formakuntza jasotzen dute luzaroan langabezian egon diren pertsonek, baliabiderik gabeko etorkinek edo droga menpekotasuna gainditu duten pertsonek.

Gizakia Fundazioak ere droga menpekotasunak dituzten pertsonen gizarteratze prozesua laguntzeko programa saritua ikusi du, gizarteratze prozesuan parte hartzen duten profesional guztien inplikazio integrala nabarmentzen duelarik, horrela kalitatezko zerbitzu bat eskeiniz, pertsonetan arreta osoa jarriz.

Peñascal Fundazioaren Iparorratza programa ere saritua izan zen, etorkin helduberriei eskeintzen dieten integrazio prozesu pertsonalizatuagatik.

Aipamen berezia izan zuen Berohi Kooperatibak sustatutako Ekorropa ekimenak, arroparen bererabileraren bitartez baliabide eskasak dituzten pertsonei jantziak eskeintzeagatik.