el 30-04-2025
Christian Martin García harrera egin digu Hazlan Irún S.L.laneratze enpresa aurkezteko:
“… Hazlan sortu zenetik hazi egin da, eta gaur arte, ehun integrazio postu baino gehiago sortu dira eskualdean, integrazio prozesu hauek jasaten dituztenen bizi-kalitatea hobetuz.”
Nola sortzen da Laneratzeko Enpresa hau eta zein da bere jarduera nagusia?
Hazlan Irun S.L. 2014ko uztailaren 11n sortu zen, Mendibil Pedagogi Elkartearen eskutik, eta urte bereko abenduan Laneratze Enpresa gisa sailkatu zen. Enpresentzako eta norbanakoentzako tokiko zerbitzuen eta ehungintzako zerbitzuen bidezko ibilbide hau hasita, gaur egun gure negozio nagusia osatzen duten lau zerbitzu-lerro ditugu:
- Ehungintzarko lantegia: Ehungintzako lantegirik ez zegoelako, ehungintzako behar ezkutuan estaltzeko helburuarekin jaio zen josteko tailerra. Ikuspegi profesionalarekin eta etengabeko hobekuntzaren aldeko apustuarekin, jantziak eskuz lantzen dira eta banan-banan ikuskatzen dira kalitate kontrol zorrotzarekin.
- Desbarbaketa tailerra: Ekoizpen-jarduera honek kautxuzko piezen desbarbaketara bideratzen da eta gizarteratzeko eta llaneratzeko esfortzu pribatuak eta publikoak uztartzearen adibidea da, Irungo Belaskoenea auzoan tailer propioarekin. Bezeroak nahi duen piezatik goma eta bestelako materialak konformatzeko prozesuan lortutako errebak eta ezpurutasunak kentzen espezializatuta dago. Pieza eta angelu mota desberdinetarako konfigura daiteke.
- Barazki moztea eta ontziratzea (IVgarren Gama): Gela zuria egungo kalitatezko produktuen eskaritik sortutako ideia da, prestatzeko denbora aurreztuz. Gaur egungo gizarteak eraginkortasuna eta bizkortasuna eskatzen du, eta horregatik “denbora dirua da” esaldiak are zentzu handiagoa du gaur egun. Jarduera honela laburbil daiteke: Lehengaien harrera eta kontrola, garbiketa, zuritu eta mozketa, hautaketa eta kalitate kontrola, biltegiratzea eta banaketa.
- Taberna-kafetegia: Hazlanren Taberna-Kafetegia astelehenetik ostiralera zabalik dago, gosari oparoa, pintxoak, etxean egindako bazkaria eta eguna amaitu baino lehen kartzeko merienda arina eskaintzen ditu. Kafetegian, eguneroko menu oso merkea eskaintzen dugu, inguruan arrakasta handia izan duena.
Nolakoa izan da enpresa-proiektuaren bilakaera orduz geroztik?
Hazlanen, 10 urte baino gehiago daramatzagu lanean enplegagarritasuna hobetzeko aukera eskaintzeko, benetako produkzio-jarduera baten eta ikaskuntza-prozesu baten eta lan-merkatu orokorrean txertatzeko baldintzak sustatzen dituen laguntza sozialaren bitartez. Bi jarduera ildorekin hasi ginen eta gaur lau ildo ditugu. Hazlan sortu zenetik hazi egin da, eta gaur arte, ehun integrazio postu baino gehiago sortu dira eskualdean, integrazio prozesu hauek jasaten dituztenen bizi-kalitatea hobetuz.
Nortzuk dira enpresara heltzen diren langileak?
Enpresan lan egiten duten pertsonak, gehienetan, integrazioko langileak dira. Gizarte-bazterketa egoera ezberdinetan bizi diren arriskuan dauden pertsonak bezala ulertzen ditugu, esate baterako, RGIren hartzaile izatea; kualifikazio eta lan-esperientzia mugatua duten 30 urtetik beherako gazteak; genero indarkeriaren biktima diren emakumeak; egoera juridiko-administratibo irregularrean dauden pertsonak; 45 urtetik gorako pertsonak eta iraupen luzeko langabezian daudenak; droga-mendekotasun arazoak dituzten pertsonak; edo errehabilitazio edo gizarteratzeko prozesuan dauden beste mendekotasun-nahasteak.
Ba al dago partekatu nahi duzuen proiektu edo jarduera berririk?
Azken bi urteetan, bi proiektu berri jarri ditugu martxan, beraz, gure epe ertaineko helburua bi jarduerak zabaltzen jarraitzea da. Jarraitu hazten eta aukera gehiago eskaintzea nahi dugu.
Zer nolako ekarpen egiten dio laneratzeko enpresari Gizateako bazkide izateak?
Elkarlanean aukerak sortzen jarraitzeko laguntza-sare bat izaten laguntzen dio.